humse prabhuji dur nahi hai na unse hum dur hai,
jaisa chahe vaisa rakhe , humko to manjur hai,
usne humko janam diya hai, humko vohi palega
har halat me humko to vo hi aake sambhalega,
uski hi hai sari shristi, sabme uska noor hai,
humse prabhuji dur nahi hai, na unse hum dur hai,
ek bharosa uspe karke usko hi man le,
mithya hai ye sansar sara, man me ye jan le,
uski pooja , uski bhakti karni hame jaroor hai,
humse prabhuji dur nahi hai, na unse hum dur hai,
kisme hai kalyan hamara, ye to vahi jaane re,
dhoop chav dukh dard hamare sab vahi pehchane re
daya dristi is param pita ki hum sabpar bharpur hai
humse prabhuji dur nahi hai, na unse hum dur hai,
jo bhi de parsad samajhke prem se hume pana hai,
bangla de ya devi jhopadi rehkar hame nibhana hai,
deta sabka yatha yoga yah uska dastur hai,
jaisa chahe vaisa rakhe , humko to manjur hai,
janam liya to marna hoga, jivan ki hai sacchai,
kal chakra kaise mare, jan saka na koi bhai,
katputli ke khel me dekho hum sab majboor hai,
humse prabhuji dur nahi hai, na hum unse dur hai.